Policia Kosovës ka njoftuar se ka arrestuar një person të dyshuar për dy raste të vrasjes në tentativë në Prishtinë, ku njëri rast ka ndodhur më 9 shkurt të këtij viti, në rrugën “Xhemajl Mustafa” në Prishtinë, ku kishte mbetur i plagosur një person.

Siç njofton Policia, personi i arrestuar është  B. S. nga Istogu, i cili dyshohet se ka qenë i përfshirë në këto vepra penale.

Operacioni policor është realizuar mbrëmë në një banesë në Fushë Kosovë, ku janë gjetur dhe sekuestruar:

Një Pistoletë CZ me 9 fishekë, bimë narkotike 40 gram si dhe një shufër metalike.

I dyshuari po kërkohej nga Policia në Pejë, pasi Gjykata kishte lëshuar urdhër arrest ndaj tij. Po ashtu për personin e dyshuar, nga Gjykata Themelore në Pejë ishte  lëshuar urdhër arrest,  si dhe personi i dyshuar është në kërkim nga DRP Pejë,  pasi që i njëjti dyshohet se është recidivist i disa veprave penale.

Me urdhër të Prokurorit të Shteti i dyshuari është dërguar në mbajtje për 48 orë.  /GazetaSinjali/