Një person është gjetur pa shenja jete dje në shtëpinë e tij në fshatin Klinë e Mesme të komunës së Skenderajt.
Burimet e Gazetës Sinjali bëjnë të ditur se kunata e të ndjerit ka raportuar në Polici se nuk ka pasur kontakt me viktimën për gjashtë muaj, pasi i njëjti jetonte i vetëm në shtëpi.
Me të marrë këto informacione, një patrullë e Policisë ka shkuar në shtëpinë e tani të ndjerit dhe e kanë gjetur atë pa shenja jete.
Akoma nuk dihet shkaku i vdekjes e as koha e saktë dhe për t’i sqaruar këto rrethana me rendësi, trupi i viktimës është dërguar për obduksion në IML.
Në konsultim me prokurorin rasti është hapur si “Hetim i vdekjes”, ndërsa hetimet po vazhdojnë.
