Në vazhdën e largimit të serbëve nga institucionet, së fundmi kanë dhënë dorëheqje edhe udhëheqësit e komisioneve zgjedhore në pjesën veriore të vendit.
Lajmin e ka konfirmuar Sllobodan Dimitrijeviq, i cili ka mbajtur pozitën e kryetarit të komisionit zgjedhor për Mitrovicën e Veriut.
Krejt kjo pasi pritet që së shpejti të caktohet edhe data e zgjedhjeve për komunat veriore.
“Në një veprim të tillë kemi vendosur me se zgjedhjet e jashtëzakonshme do të shpallen në komunat tona pa marrëveshje politike dhe vullnetin e qytetarëve në komunën Leposaviq, Zveçan, Mitrovicë të Veriut dhe Zubin Potok. në një situatë kur na kërkohet të bëjmë zgjedhje një proces që është i pamundur të realizohet.Ne besojmë se realizimi i një procesi të tillë zgjedhor pa arritur marrëveshje politike dhe pëlqimin e qytetarëve tanë është një mision i pamundur”, tha ai për portalin serb Kosovo-Online.
Sipas Dimitrijeviq, mbajtja e zgjedhjeve në pjesën veriore do të ishte në kundërshtim me vlerat demokratike.
