Më shumë se 50 persona kanë vdekur pas një zjarri që përfshiu repartin për COVID-19 në një spital në Irak.

Zjarri në spitalin Al-Hussein në qytetin jugor të Nasiriya është vënë nën kontroll mbrëmë vonë.

Shkaku i zjarrit është akoma i paqartë, por raportet fillestare sugjerojnë se ai nisi pasi një bocë oksigjeni shpërtheu.

Kryeministri i Irakut, Mustafa al-Kadhemi, ka urdhëruar arrestimin e drejtorit të spitalit, raporton Gazeta Sinjali.

Familjarët e pacientëve kanë nisur protestat para ndërtesës së spitalit. Reuters ka raportuar se të njëjtit janë përplasur me policinë dhe se dy veturave të policisë iu është vënë flaka./Gazeta Sinjali/