Interi ishte i shqetësuar pas problemit të gjurit për Nicolo Barella që u shfaq në fitoren ndaj Udineses, por tani ata mund të marrin frymë lirshëm pas disa lajmeve të mira, transmeton Sinjali Sport.
Mesfushori 25-vjeçar italian ka qenë një nga lojtarët më të rëndësishëm në skuadrën e Simone Inzaghit këtë sezon, duke luajtur një rol kyç në qendër të fushës në sistemin 3-5-2. Fituesi i Euro 2020 ka bërë 44 paraqitje në të gjitha garat deri më tani këtë sezon, duke humbur vetëm katër ndeshje.
Siç raportohet nga Sky Sports Italia, Barella pritet të jetë pjesë e skuadrës që do të përballet me Empolin të premten në mbrëmje. Italiani u stërvit me skuadrën sot dhe tani po punon drejt fitnesit të plotë, duke i dhënë Inzaghit pak më shumë hapësirë për të manovruar ndërsa gara për titull vazhdon.
Lajme të ndryshme për Alessandro Bastonin, i cili nuk do të rrezikohet ndaj skuadrës “toskane”. Mbrojtësi 23-vjeçar pësoi një dëmtim së fundmi dhe kështu do të pushojë përpara finales së Kupës së Italisë kundër Juventusit.
