image Hyn ilegalisht në Kosovë, arrestohet dhe përfundon në konvikt të studentëve në Prishtinë - Sinjali

Hyn ilegalisht në Kosovë, arrestohet dhe përfundon në konvikt të studentëve në Prishtinë

news image

Në pranga e më pas në karantinën e Qendrës së Studentëve në Prishtinë ka përfunduar një person i cili u zu dje në mesditë duke hyrë këmbë në Kosovë.

Ai u arrestua në nga policët e pikëkalimit kufitar në Vërmicë, pasi u kap në flagrancë duke hyrë këmbë në Kosovë dhe duke ju shmangur kontrollit policor, shkruan Gazeta Sinjali.

“PKK, Vermicë 07.05.2020 – 13:10 Është arrestuar i dyshuari mashkull K/Shqiptar për shkak se nga Republika e Shqipërisë këmbë  kishte kaluar ilegalisht kufirin për në Kosovë duke ju shmangur kontrollit policor”, njofton Policia.

Me rekomandim të ekipit mjekësor, ai pastaj është dërguar në Qendrën e Studentëve në Prishtinë. /Gazeta Sinjali/


Shpërndaje artikullin