Nga sot është hapur afati i aplikimi për certifikim të partive politike, koalicioneve, iniciativat qytetare dhe kandidatët e pavarur të cilët duan të marrin pjesë në zgjedhjet lokale, shkruan Gazeta Sinjali.

Komisioni qendror i zgjedhjeve ka njoftuar se afati për aplikim është i hapur deri më 16 gusht, teksa ka shtuar se kërkesat për certifikim dorëzohen në zyrën për regjistrimin e partive politike dhe certifikim.

“Njoftohen të gjitha partitë politike, koalicionet, iniciativat qytetare dhe kandidatët e pavarur, të cilët duan të marrin pjesë në Zgjedhjet Lokale se afati i aplikimit për certifikim ka filluar dhe përfundon më 16 gusht 2021. Kërkesat për certifikim dorëzohen në Zyrën për Regjistrimin e Partive Politike dhe Certifikim, në çdo kohë, gjatë orarit të punës, nga ora 08:00 deri 16:00. Për informata shtesë, mund të vizitoni ueb faqen e KQZ www.kqz-ks.orgose kontaktoni në tel. 038 200 81 010”, thuhet në njoftimin e KQZ-së.

Zgjedhjet lokale në Kosovë do të mbahen me 17 tetor 2021./ Gazeta Sinjali/