Mesfushori i Manchester Cityt dhe Anglisë, Kalvin Phillips është kritikuar nga trajneri Pep Guardiola, pasi u kthye jashtë formës nga Kupa e Botës.
Pas përfundimit për Kupën e Botës 2022, City u rikthye në aksion konkurrues të enjten, duke mposhtur Liverpool 3-2 në Carabao Cup. Megjithatë, mesfushori i tyre anglez nuk ishte përfshirë në skuadër dhe menaxheri i tij tani ka zbuluar se kjo është për shkak se ai nuk është në gjendje të luajë.
Kur u pyet për Phillips nga shtypi, Guardiola shpjegoi: “Ai nuk është i lënduar. Ai erdhi me mbipeshë. Nuk e di [pse]. Ai nuk arriti në gjendjen për të bërë seanca stërvitore dhe për të luajtur.”
I pyetur përse mesfushori nuk ka mundur të qëndrojë në formë pavarësisht se ishte larg Anglisë, menaxheri i tij tha: “Jo, jo, jo. Absolutisht. Kjo është arsyeja pse ai nuk mund të luajë. Kur të jetë gati, ai do të luajë, sepse ne kemi nevojë për të, kemi shumë nevojë për të”.
Në fund, Guardiola u pyet nëse ishte zhgënjyese. Ai u përgjigj: “Është një bisedë private me Kalvinin”.
Man City i pagoi Leeds United 42 milionë funte për të nënshkruar me Phillips në verë, por lëndimet e kanë ndaluar atë të bëjë më shumë se vetëm një paraqitje të vetme në Premier League.
