Në fshatin Manskuri të Kavajës dy persona u gjetën të vdekur. Një grua është gjetur e vdekur brenda një makine tërësisht të djegur, ndërsa bashkëshorti i saj u gjet i varur në pemë.

Policia e Shqipërisë kanë dalë në vendngjarje dhe po hetojnë rastin.

Njoftimi i policisë:

Kavajë/Informacion paraprak

Më datë 10.04.2021, rreth orës 11:45, në fshatin Manskuri, Kavajë, është gjetur i djegur plotësisht një mjet.

Brenda mjetit është gjetur një kufomë e djegur, e cila dyshohet se i përket shtetases me iniciale F. Sh., 45 vjeçe.

Nga kontrolli i zonës përreth është gjetur i vetëvarur në një pemë bashkëshorti i saj, shtetasi B. Sh., 48 vjeç.

Grupi hetimor ndodhet në vendngjarje dhe nën drejtimin e Prokurorisë po punon për sqarimin dhe zbulimin e rrethanave te ngjarjes.  /Gazeta Sinjali/