I dyshuari për therjen me thikë të tre pjesëtarëve të Policisë në Prizren ka përfunduar në paraburgim. Caner Galani ka dalë sot para gjyqtarit të procedurës paraprake, ku iu caktua masa e sigurisë.
Gjykata ia ka caktuar një muaj paraburgim për veprën penale “Sulm ndaj personit zyrtar”.
Ndryshe, ngjarja ndodhi para dy ditësh, ku në shtëpinë e familjes Galani në lagjen ‘Dardania’ të Prizrenit, i dyshuari sulmoi me thikë tre zyrtarë policorë të Njësisë së Reagimit të Shpejtë në Policinë e Kosovës, të cilët kishin intervenuar pas raportimit të dhunës nga prindërit e të dyshuarit.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
