Dje një person në Gjilan ka raportuar në Polici se është kanosur nga një person tjetër derisa ishte duke e pastruar lokalin.
Policia e Kosovës ka njoftuar se rasti ka ndodhur pas mesnatës, rreth orës 02:50, kur i dyshuari e ka kërcënuar viktimën me një revole.
Sipas deklaratës së viktimës, ai ka arritur t’ia marr armën të dyshuarit, mirëpo ky i fundit ka ikur nga vendi i ngjarjes me një veturë.
Me të marrë informatën, Policia ka dalë në vendin e ngjarjes ku ka sekuestruar një revole dhe një karikator me gjashtë fishekë.
Rasti është iniciuar si “Armëmbajtje pa leje” dhe “Kanosje”, derisa hetimet po vazhdojnë.
