Gjermania pret që së shpejti të ketë angazhime të mjaftueshme nga vendet e tjera të BE-së për të dërguar tanke kryesore luftarake Leopard 2 në Ukrainë, tha një zëdhënës i qeverisë gjermane.
Berlini ka premtuar 14 tanke të veta Leopard 2A6 për përpjekjet e luftës të Ukrainës dhe u ka dhënë vendeve partnere lejen për të rieksportuar tanke të tjera luftarake në Kiev. Ajo shpreson të mbledhë dy batalione të plota tankesh Leopard në bashkëpunim me vendet e tjera të BE-së.
“Angazhimi i Gjermanisë qëndron”, tha sot zëdhënësi i qeverisë Wolfgang Büchner. Ai nuk përmendi ndonjë shtet specifik që deri më tani ishte angazhuar për dërgimin e tankeve të prodhimit gjerman.
