Një aksident i rëndë ka ndodhur në Gjermaninë Qendrore ku një person ka humbur jetën dhe 13 të tjerë janë lënduar, pasi një kamion u përplas me një autobus.

Një grua 29-vjeçare ishte viktima që vdiq si pasojë e aksidentit në Langenhagen, një qytet pranë Hanoverit.

Të dy shoferët pësuan lëndime, së bashku me disa pasagjerë të autobusit, raporton Euronews, përcjell Gazeta Sinjali.

Tre persona kanë pësuar lëndime të rënda, mes tyre një djalë 4-vjeçar.

Ky aksident ndodhi të hënën në mbrëmje në një kryqëzim rruge, në Langenhagen, ku semaforët ishin fikur.

Sipas autoriteteve gjermane, autobusi duhej të ishte ndalur në kryqëzim për t’i lënë rrugën kamionit, por nuk e bëri dhe kamioni u përplas me të./Gazeta Sinjali/