image Francë/ Një 10-vjeçar gjendet i vdekur në valixhe, arrestohet nëna e tij

Evropë

Francë/ Një 10-vjeçar gjendet i vdekur në valixhe, arrestohet nëna e tij

news image

Policia franceze ka arrestuar nënën e një djali 10-vjeçar, trupi i të cilit u gjet i futur në një valixhe, thanë prokurorët.

Trupi u gjet në qytetin Ferrieres-en-Brie në lindje të Parisit.

Nëna, 33 vjeçe, të cilën policia e kishte kërkuar që kur partneri i saj sinjalizoi alarmin, u arrestua në qytetin e afërt Choisy-le-Roi në shtëpinë e një anëtari të familjes, thanë prokurorët rajonalë.

Shqetësimi fillimisht ishte shkaktuar pasi gjaku u gjet në shtëpinë e familjes dhe autoritetet filluan menjëherë një operacion kërkimi.

Hetimet çuan në zbulimin e trupit të fëmijës “të fshehur në një valixhe me rrota, në një kosh plehrash” afër shtëpisë së familjes, tha Laureline Peyrefitte, prokurorja publike nga qyteti i Meaux, shkruan AFP.

“Ai kishte disa plagë të rënda, me shumë gjasa të shkaktuara nga një goditje me thikë”, shtoi ajo. Andaj është urdhëruar një autopsi për të përcaktuar shkaqet e sakta të vdekjes./GazetaSinjali/