Si Milani, ashtu edhe Interi do të luajë në ditë hapëse të edicionit të ri në Serie A.
Nerazurët të cilët humbën titullin nga komshinjtë e tyre për dy pikë, do të kërkojnë të nisin mbarë sezonin e ri.
Interi do ta vizitojë skuadrën e Lecces e cila u promovua në ligë për këtë sezon.
Vetëm Danilo D’Ambrosio është i dëmtuar dhe jashtë fushës për Interin. Skuadra e Simone Inzaghit është mjaft e ngjashme me sezonin e kaluar, me përjashtim të Lukakut dhe Gosens, të cilët do të jenë titullar të rregullt në të majtë pas kalimit të Ivan Perisic në Tottenham.
Interi është i pamposhtur në 11 ndeshjet e fundit debutuese kundër klubeve të sapopromovuara. Nerazzurrët janë skuadra me më shumë goditje (348) dhe goditje në portë (127) në Serie A në 2022.
Lecce kundër Inter – formacionet e mundshme:
Lecce (4-3-3): Falcone; Gendrey, Cetin, Blin, Gallo; Bistrovic, Hjulmand, Helgason; Strefezza, Ceesay, Di Francesco.
Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Gosens; Lukaku, Lautaro.
