Presidenti i Fenerbahces, Ali Koc u ka bërë thirrje tifozëve që të ndihmojnë të paguajnë pagat e Mesut Ozil, duke dhuruar para për klubin.
Ozil ka pranuar një ulje page prej 80 përqind për të nënshkruar me Fenerbahcen, mirëpo paga e tij do të jetë e kushtueshme për Fenerbahcen.
Për të ndihmuar me kostot, Koc u ka kërkuar tifozëve të ndihmojnë në mbulimin e pagave të tij, pasi ai pranoi se kishte nevojë për mbështetje financiare.
53-vjeçari deklaroi: “Ne kemi një kërkesë për tifozët tanë. Ju lutemi vazhdoni të na mbështesni, ne gjithashtu jemi të varur nga mbështetja juaj financiare“.
“Ndoshta 300,000, 500,000 ose ndoshta edhe një milion mesazhe me tekst vijnë së bashku. Kjo mbështetje do të na bëjë shumë mirë.“
Mesazhet me tekst për ata që do të marrin pjesë në ‘fushatën Mesutol’ do të kushtojnë 2 euro.
Ozil falënderoi tifozët e Arsenalit për vitet e tyre të mbështetjes pasi u largua nga Topçinjtë.
