Gjykata Themelore në Gjakovë ka shpallur aktgjykimin dënues ndaj të pandehurit M.M., pasi që ai akuzohet se ka kryer veprën penale “Falsifikim i dokumentit zyrtar”, shkruan Gazeta Sinjali.

M.M pas mbajtjes së shqyrtimit fillestar, u dënua me burgim në kohëzgjatje prej gjashtë muaj, pasi që i pandehuri paraprakisht e pranoi fajësinë e aktakuzës.

Me kërkesë të mbrojtjes, ky dënim i është zëvendësuar me gjobë në shumën prej 2 mijë eurosh.

Ai akuzohet se më 11 qershor të vitit 2019, si gjeometër në Drejtorinë për Kadastër, Gjeodezi dhe Pronë në Komunën e Rahovecit, ka përpiluar shkresën zyrtare dhe me nënshkrim të rremë e ka vërtetuar dokumentin zyrtar.

Kundër këtij aktgjykimi, palët kanë të drejtë ankese në afat prej 15 ditëve nga dita e pranimit të aktgjykimit në formë të shkruar./Gazeta Sinjali/