Policia e Kosovës ka arritur të arrestojë sot një person, i cili dyshohet se ka mashtruar disa qytetarë, gjoja se do t’ua rregullonte dokumentacionet për viza, raporton Gazeta Sinjali.
Burimet e Sinjalit brenda Prokurorisë kanë bërë me dije se personi që u ndalua nga njësia policore rreth orës 15:00, është F.C., 43-vjeçar.
Ai dyshohet se ka kryer disa herë këtë vepër penale duke i mashtruar qytetarët hallexhinj, të cilët kanë rënë viktimë e tij, pasi i njëjti u premtonte se ua rregullon dokumentet e nevojshme për viza jashtë vendit.
Pas arrestimit, i njëjti është dërguar në stacion policor për intervistim, ku do të kryhen procedurat tjera.
Sinjali do të ju mbajë të informuar për detajet e reja të rastit.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
