Kohëve të fundit janë shtuar rastet e vjedhjeve nëpër institucione mikrofinanciare ose lokale të tjera në Prishtinë dhe qytete tjera, shkruan Gazeta Sinjali.
Madje disa persona njihen edhe për vjedhje të njëpasnjëshme siç është rasti i një të dyshuari, i cili dyshohet se ka kryer disa vjedhje në rajonin e Prishtinës.
Pamjet e siguruara nga Gazeta Sinjali tregojnë se si ai e kryen një vjedhje në një lokal në Prishtinë në pikë të ditës.
Burimet e Sinjalit brenda Prokurorisë kanë njoftuar se i dyshuari për këto vjedhje është arrestuar sot gjatë orëve të pasdites.
Sipas videos së siguruar nga Sinjali, i dyshuari e fut dorën brenda tavolinës së recepsionit në një lokal dhe merr disa gjëra. Ai shihet se në kokë ka vendosur një kapelë dhe mban një qantë krahu.
Shumica e vjedhjeve po kryhen nën kërcënimin e armëve ose mjeteve të mprehta, siç ishte rasti i djeshëm në “Money Gram”.
E rritja kaq e madhe e vjedhjeve po shkakton shumë frikë e pasiguri te qytetarët.
