Anëtari i Nismës Socialdemokrate, Endrit Shala ka njoftuar se ky subjekt politik do të votojë pro dërgimit të Ushtrisë së Kosovës në misionet paqeruajtëse në botë, shkruan Gazeta Sinjali.
Shala u shpreh se kjo parti e mbështet fuqishëm kërkesën e Qeverisë për mbajtjen e seancës në Kuvendin e Kosovës për pjesëmarrjen e FSK-së në misionet paqeruajtëse në kuadër të ushtrive më të fuqishme të botës.
“Jam jashtëzakonisht i lumtur që seancën e parë të Kuvendit të Republikës së Kosovës për këtë vit, ta nisim me një lajm të mirë për qytetarët e Republikës së Kosovës, e sidomos për ushtarakët që shërbejnë në Ushtrinë e Kosovës. Për ne Nisma Socialdemokrate dhe besojmë për secilin që e do këtë vend, ushtria jonë është krenaria më e madhe që e kemi ndërtuar bashkë”, shkroi Shala në Facebook.
Lexo edhe:
Edhe AAK-ja e mbështet kërkesën e Qeverisë për mbajtje të seancës së jashtëzakonshme
Lexo edhe:
FSK-ja në misione të përbashkëta me Gardën Kombëtare të Iowa-s
