Gjykata Themelore në Prizren ka shpallur aktgjykimin dënues ndaj të akuzuarit T.N., për shkak se ka kryer veprën penale “dhunë në familje”, shkruan Gazeta Sinjali.

Sipas njoftimit, me datë 7 janar të këtij viti, i pandehuri në shtëpinë e tij me dashje ka kryer dhunë ose keqtrajtim fizik ndaj bashkëshortes së tij.

Po ashtu, bëhet e ditur se deri te dhuna ka ardhur pasi që i pandehuri kishte kërkuar të dijë nga bashkëshortja e tij arsyen pse ia kishte fshirë një numër të telefonit në telefonin e tij personal.

“Në shtëpinë e tij familjare, me dashje  kryen dhunë ose keqtrajtim fizik me qëllim të cenimit të dinjitetit të dëmtuarës brenda një marrëdhënie familjare – bashkëshortes së tij, në atë mënyrë që pas disa mosmarrëveshjeve të njëpasnjëshme bashkëshortore lidhur me xhelozinë që e ka i pandehuri ndaj të dëmtuarës – bashkëshortes së tij, pasi që i pandehuri T.N., kthehet në shtëpi kërkon nga bashkëshortja e tij të dijë arsyen  pse ia kishte fshirë një numër të telefonit në telefonin e tij personal, edhe pse e dëmtuara është arsyetuar se nuk ia ka prekur telefonin, i pandehuri tenton ta sulmoj fizikisht të dëmtuarën, dhe e njëjta nga frika se do të ndodh një e keqe, mbyllet në dhomë, e raporton rastin në Polici, qëndron në dhomë deri sa në vendngjarje paraqiten zyrtarët policorë, me të cilat veprime i pandehuri T.N., tek e dëmtuara ka shkaktuar ndjenjën e frikës dhe shqetësimit të madh”, thuhet ndër të tjera në telefon.

Andaj, Gjykata ka dënuar të pandehurin me shtatë muaj burgim dhe gjobë prej 100 eurosh.

Kundër këtij aktgjykimi pala e pakënaqur ka të drejtë ankese në Gjykatën e Apelit./Gazeta Sinjali/