Një qytetar në Leposaviq ka gjetur një trup të pajetë të varur në një pemë në një pyll, afër fshatit Jevticë, sot në orët e mëngjesit.
Burimet e Gazetës Sinjali kanë dhënë detaje lidhur me këtë rast që është cilësuar si vdekje e dyshimtë.
Në orët e mëngjesit, në Stacionin Policor në Leposaviq është denoncuar rasti nga një person, i cili ka thënë se një trup i pajetë është gjetur i varur në një pemë.
Me të marrë informacionin, zyrtarët policorë kanë dalë në vendin e ngjarjes, ku është konstatuar vdekja e viktimës nga ekipi mjekësor.
Sipas burimeve të Sinjalit personi që u gjet i vdekur është një 49-vjeçar, i cili ishte raportuar i zhdukur nga 28 marsi.
Për ta verifikuar shkakun e vdekjes, trupi i pajetë është dërguar në IML për obduksion, derisa rasti është hapur si “vdekje e dyshimtë”.
