Një person në Prizren ka kërcënuar Policinë në rrjetin social Facebook, në një postim ku thuhej se Policia në këtë rajon, po kontrollon personat e vetizoluar, pas infektimit me COVID-19, shkruan Gazeta Sinjali.
Siç mëson Gazeta Sinjali, i njëjti më 3 shtator kishte komentuar në një postim duke shkruar “aaa let hin diku ku s’duhet e te hajn plumin naj kun tani marin vesh ka mju ardh funi mdoket edhe policise qe kan qu kry shume….”.
Por ky koment i kushtoi qytetarit në Prizren. Burimet e Sinjalit brenda Prokurorisë kanë njoftuar se pasi është identifikuar i dyshuari, i njëjti është shoqëruar në Stacion Policor dhe në konsultim me prokurorin ndaj tij është iniciuar rast, si i dyshuar për veprën penale “kanosje”.
Po ashtu me urdhër të prokurorit, i njëjti është dërguar në ndalim për 48 orë.
