Gazeta Sinjali raportoi sot për një rast mjaft të vdekjes që ka ndodhur mbrëmë në Prishtinë, ku një 61- vjeçar ka humbur jetën një orë pasi ka marrë tajtim mjekësor në QKUK. Gruaja e të ndjerit e ka denocnuar rastin në polici pasi dyshon se bashkëshorti i saj e ka humbur jetën si pasojë e trajtimit jo të duhur nga ana e mjekëve.
Sinjali mëson se viktima që ka humbur jetën është Bedri Ferati, 61 vjeçar, me ç’rast trupi i pajetë është dërguar në IML për obduksion.
Sipas gruas, bashkëshorti i saj ka humbur jetën një orë pasi janë kthyer nga QKUK-ja. Ajo e ka denoncuar rastin menjëherë në Polici dhe ka kërkuar që të hetohet, pasi ka dyshime se mjekët që kanë kryer intervenimin nuk e kanë trajtuar siç duhet dhe për pasojë ai ka ndërruar jetë.
Si rezultat i denoncimit të rastit, Prokurori i Shtetit ka urdhëruar nisjen e hetimeve, me ç’rast trupi i pajetë është dërguar në IML për obduksion dhe marrjen e të gjitha veprimeve që çojnë në zbardhjen e rrethanave në të cilat ka ndodhur rasti.
Sinjali do të ju mbajë të informuar në lidhje me detajet e reja.
