Gazeta Sinjali ka raportuar sot për një ngjarje të rëndë që ka ndodhur në fshatin Novosellë të Pejës, ku pa shenja jete u gjet një 21-vjeçar.
Bëhet fjalë për Dush Brahimajn, i cili u gjet i vdekur në dhomën e fjetjes nga vëllai i tij, i cili shkoi që ta zgjojë atë nga gjumi.
I ndjeri ishte dërguar në Spitalin Rajonal të Pejës, ku është konstatuar vdekja e tij, derisa në vendin e ngjarjes ka dalë Policia e Kosovës.
Me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion.
