Policia e Kosovës ka prangosur një person të dyshuar për veprën penale “Mundësim ose detyrim në prostitucion”, raporton Gazeta Sinjali.

Sinjali mëson se arrestimi i tij është bërë mbrëmjen e së dielës.

Burimet e Sinjalit brenda prokurorisë kanë bërë të ditur se të arrestuarit i janë konfiskuar 1 mijë e 775 euro e 60 centë, 170 franga zvicerane, 10 funta, 10 lira, 200 lekë, tre telefona celularë dhe një thikë, të cilat do të përdoren si prova materiale.

Ai dyshohet se këtë veprimtari e ka ushtruar në Prishtinë dhe në Gjilan.

Prokurori ka urdhëruar që i dyshuari të dërgohet në mbajtje.

Hetimet lidhur me këtë rast janë duke vazhduar ende./Gazeta Sinjali/