Në media po raportohet se kryetari i Federatës së Futbollit të Kosovës, Agim Ademi dyshohet se është sulmuar fizikisht në parkun e Gërmisë.
Në lidhje me këtë rast, Gazeta Sinjali Sporti ka kontaktuar me Policinë e Kosovës.
Zëdhënësja e PK-së në rajonin e Prishtinës, Flora Ahmeti, ka konfirmuar se një person është rrahur dje në Gërmi.
“Rreth orës 11:00, jemi njoftuar për një sulm fizik në parkun e Gërmisë, ku lëndime trupore ka pësuar një person. Nga ana e policisë është nisë një hetim lidhur me rrethanat që karakterizojnë këtë rast”, ka thënë ajo.
Gazeta Sinjali ka provuar të marrë një përgjigje nga Ademi për këtë çështje, por nuk e ka hapur telefonin.
