Paulo Dybala u shpreh i emocionuar për transferimin e tij te Roma, duke diskutuar projektin dhe trajnerin Jose Mourinho.
Sulmuesi argjentinas 28-vjeçar iu bashkua zyrtarisht ‘Giallorossit’ sot, duke nënshkruar një kontratë trevjeçare me një opsion për një të katërt me vlerë rreth 6 milion euro neto në sezon, duke përfshirë shtesat. Dybala ishte i lidhur me lëvizjet te Napoli dhe Interi, por Roma arriti të fitonte konkurrencën dhe të finalizonte një marrëveshje.
Duke folur për mediat e Romës, Dybala diskutoi ardhjen e tij në klub, mendimet e tij për Mourinhon dhe mbështetjen pasionante të tifozëve.
“Ditët që më shtynë të nënshkruaja këtë kontratë ishin plot emocione. Shpejtësia dhe vendosmëria me të cilën Roma tregoi se sa shumë më donte mua, bëri diferencën.
Unë bashkohem me një ekip në rritje, një klub që vazhdon të vendosë një themel të fortë për të ardhmen dhe një trajner, Jose Mourinho, do të jetë një privilegj të punoj me të.
Si kundërshtar e kam admiruar gjithmonë atmosferën e krijuar nga tifozët e Romës, tani mezi pres t’i përshëndes me këtë fanellë”.
28-vjeçari Dybala kaloi një periudhë shtatë-vjeçare me Juventusin, duke bërë 293 paraqitje në të gjitha garat, duke shënuar 115 gola dhe duke dhënë 48 asistime. Ai fitoi 12 trofe të mëdhenj në Torino, duke përfshirë pesë Scudetto.
