Sulmuesi i Juventusit, Paulo Dybala është i hapur për të nënshkruar me Barcelonën gjatë verës.
Argjentinasi është vendosur të jetë një agjent i lirë në fund të sezonit pasi ai ende nuk ka rënë dakord për kushtet e reja me Bianconerët, pavarësisht raporteve në fillim të sezonit se një kontratë ishte afër nënshkrimit, shkruan espn, përcjell Sinjali Sport.
Barcelona është e interesuar, ndërsa Interi dhe Tottenhami janë disa nga klubet tjera që ndjekin situatën e Dybala-s.
Për katalanasit, ai përfaqëson një tjetër transferim të mundshëm falas për të ndihmuar rindërtimin e tyre nga kriza e tyre financiare. Klubi ka qenë i lidhur me një numër agjentësh të lirë, pasi kanë nënshkruar tashmë Pierre-Emerick Aubameyang dhe Dani Alves nën drejtimin e trajnerit të ri Xavi Hernandez.
Nëse Dybala do të transferohet në Camp Nou mund të varet nga Ousmane Dembele, me anësorin që do të largohet nga klubi si lojtar i lirë gjatë verës dhe duke çliruar një hapësirë pagash shumë të nevojshme për Blaugranët.
