Gazeta Sinjali pak më parë raportoi për një tentim vrasje te “Ujëvara e Mirushës”, në aksin rrugor Klinë – Gjakovë, ku mbetën të plagosur dy vëllezër. Njëri prej tyre është në gjendje të rëndë për shkak të plagëve që ka pësuar.
Sinjali ka mësuar detaje të reja për të shtënat me armë te “Ujëvara e Mirushës”.
Sipas burimeve të Sinjalit viktimat kanë qenë për iftar në restorant me familje, kur u përballën me të dyshuarit.
Personat që dyshohen se i gjuajtën vëllezërit i pritën ata në parking të restorantit, ku eskaloi situata.
Të njëjtat burime kanë bërë të ditur se vëllezërit janë pronarë të një autosalloni në Kijevë të Malishevës.
Në bazë të informatave të para të dyshuarit janë nga fshati Sferkë i Klinës.
