Një rast i lëndimit trupor ka ndodhur dje në Prizren, ku dy persona e kanë rrahur një tjetër, shkruan Gazeta Sinjali.
Rastin e kanë konfirmuar nga Policia e rajonit të Prizrenit, të cilët kanë dhënë detaje.
Sipas zëdhënësit të Policisë, Vesel Gashi, motivi i rrahjes dyshohet të ketë qenë një fjalosje mes fëmijëve, ku dy të dyshuar e kanë sulmuar viktimën duke i shkaktuar lëndime trupore.
Ai njoftoi se njëri nga të dyshuarit është arrestuar dhe është dërguar në ndalim, ndërsa personi tjetër është ende në kërkim.
“Një person është i ndaluar tjetri është në kërkim për shkak të një lëndimi trupor që ka ndodh në Prizren. Sipas informatave, deri te kjo ka ardhur si pasojë e një fjalosje mes fëmijëve”, tha Gashi.
