Gigio Donnarumma ka këmbëngulur se dëshiron të qëndrojë në PSG dhe të përpiqet të fitojë Ligën e Kampionëve në sezonin 2022-2023.
Mauricio Pochettino kishte sugjeruar se ai nuk do të bënte rotacion me portierët e tij sezonin e ardhshëm, ndërsa Keylor Navas tha se gjërat duhet të ndryshojnë ‘në një mënyrë ose në një tjetër’, duke lënë të kuptohet se ai ose Donnarumma do të largohen nga klubi në verë.
Megjithatë, italiani duket se ka ide të qarta për të ardhmen e tij në klub.
“Unë do të qëndroj në PSG dhe do të përpiqem të fitoj Ligën e Kampionëve”, tha 23-vjeçari për Sky Sport Italia pasi fitoi Ligue 1.
“Ishte një kënaqësi e madhe. Jam vendosur në sezonin tim të parë këtu dhe jam i kënaqur me mënyrën se si ka shkuar. Na vjen keq për zhgënjimin në Ligën e Kampionëve, por ne do të përpiqemi ta kompensojmë atë.”
Tifozët e PSG-së shanë skuadrën dhe u larguan më herët nga stadiumi në ndeshjen vendimtare kundër Lens dje, duke theksuar zhgënjimin e tyre me sezonin europian që përfundoi në 1/16.
“Na vjen keq për këtë, por ne i kuptojmë ata,” tha Donnarumma.
“Duam të bënim mirë edhe në Evropë, vuajtëm brenda dhomës së zhveshjes pas eliminimit. Ne do të përpiqemi të fitojmë Champions League në të ardhmen”, u shpreh italiani.
Donnarumma ka luajtur 22 ndeshje në të gjitha garat këtë sezon, dy më pak se shoku i tij i skuadrës Keylor Navas. Ai ka pësuar 20 gola, duke mbajtur tetë portën e paprekur.
Ai ishte ndër përgjegjësit për largimin e PSG-së nga Liga e Kampionëve për shkak të një pasimi të gabuar që shkaktoi rikthimin e Madridit në ndeshjen e dytë të raundit të 16-të të Champions League në Bernabeu. Kontrata e Gigios në Paris skadon në qershor 2026.
