Një person ka rënë në prangat e Policisë së Kosovës, pasi që ka dalë me sëpatë në rrugën “Rogova” në Prizren, dje në mesditë, shkruan Gazeta Sinjali.

Gazeta Sinjali mëson nga burimet e saj brenda Prokurorisë Themelore në Prizren, se gjatë arrestimit ai ka treguar rezistencë, duke i shkaktuar lëndime njërit prej zyrtarëve policorë, si dhe duke pësuar lëndime edhe vetë.

Për shkak të lëndimeve, këto burime bëjnë të ditur se polici dhe personi i dyshuar janë dërguar për tretman mjekësor në spital.

Pas pranimit të tretmanit mjekësor, i dyshuari është dërguar në mbajtje./Gazeta Sinjali/