Kontigjenti i ri i specialistëve të Kosovës ka diplomuar për Operacione Shumëkombëshe në Mbështetjes së Paqes, në Qendrën Trajnuese Ushtarake Britanike në Vyskov të Çekisë.
Toger Valdet Halimi, Rreshter shtabor Sabri Osmani, Rreshter shtabor Burim Haxhijaj dhe Rreshter shtabor Vedat Shatri janë pjesë e kontingjentit.
Përgjatë një muaji, ushtarët kanë mësuar mbi teknikat dhe procedurat më të avancuara që aplikohen gjatë operacioneve, nga instruktorët britanik me cilësi të lartë dhe me një përvojë të pasur operacionale nga teatrot kryesore të konflikteve.
Lajmin për diplomimin e tyre e bëri të ditur Ministri i Mbrojtjes, Armend Mehaj, duke e quajtur një lajm të shkëlqyeshëm.
“Ushtarakët tanë të gatshëm si gjithmonë për të dhënë kontributin efektiv, në operacione shumëkombëshe në shërbim të paqes, stabilitetit dhe sigurisë kudo në botë”, ka shkruar Mehaj në një postim në Facebook.
“Së bashku me partnerët tanë vazhdojmë drejtë sukseseve të radhës!”, përfundoi ministri.
