Pas vendimit të Ministrisë së Infrastrukturës për ndalimin e fluturimeve ajrore Gjermani, Francë, Zvicër dhe Itali, Aeroporti Ndërkombëtar i Prishtinës “Adem Jashari” ka filluar me dezinfektimin e hapësirave të aeroportit si dhe të automjeteve të shërbimeve operative.

Kjo është bërë e ditur përmes një postimi në rrjetin social Facebook.

“ANP ‘Adem Jashari’ ka filluar me dezinfektimin e hapësirave të aeroportit si dhe të automjeteve të shërbimeve operative!”, thuhet në njoftimin e ANP ‘Adem Jashari’.

Ndryshe, më shumë se 10 mostra të pacientëve janë dorëzuar sot në IKSHP nga ana e zyrtarëve të Klinikës Infektive me dyshimet për koronavirus, rezultatet e të cilëve pritet të dalin më vonë./GazetaSinjali/