image Danimarka e gatshme të lejojë stacionimin e trupave amerikane

Botë

Danimarka e gatshme të lejojë stacionimin e trupave amerikane

news image

Kryeministrja e Danimarkës tha se ky shtet anëtar i NATO-s është i gatshëm që të lejojë stacionimin e trupave amerikane si pjesë e një marrëveshjeje dypalëshe të mbrojtjes.

“Shtetet e Bashkuara kanë komunikuar me Danimarkën, duke i propozuar bashkëpunim dypalësh në fushën e mbrojtjes”, tha Mette Frederiksen gjatë një adresimi për gazetarë më 10 shkurt, raporton REL.

“Natyra ekzakte e këtij bashkëpunimi ende nuk është definuar, por mund të përfshijë prezencën e trupave amerikane, materialeve dhe pajisjeve ushtarake amerikane në tokën daneze”, tha ajo.

Departamenti amerikan i Shtetit ka mirëpritur deklaratat e Frederiken dhe tha se marrëveshja, kur të miratohet, “do të lejojë që shtetet tona të thellojnë partneritetin” dhe “të forcojnë bashkëpunimin në kuadër të operacioneve të NATO-s”.

Ushtria amerikane veçse ka prani të përhershme të trupave në disa shtete evropiane, përfshirë në Gjermani, Belgjikë dhe Britani.

/GazetaSinjali/