Ministria e Shëndetësisë dhe Mbrojtjes Sociale konfirmon se ka përfunduar testimi në laboratorin e virologjisë në Institutin e Shëndetit Publik edhe i pesë rasteve të tjera të dyshuara si të infektuar me virusin vdekjeprurës.

Përgjigjja e analizave ka rezultuar negative.

Pesë personat kishin histori udhëtimi me vendet e prekura nga koronavirusi COVID-19.

Deri në këto momente janë testuar 23 raste për koronavirusin e ri. Ministria e Shëndetësisë dhe Mbrojtjes Sociale bën me dije se do të informojë në vijimësi për situatën në vendin tonë.

Shqipëria vijon të mbetet jashtë hartës së koronavirusit, ndërsa vendet fqijne si Greqia dhe Maqedonia e Veriut kanë regjistruar tashmë rastet e para./Gazeta Sinjali/