Claudio Ranieri beson se është 50-50 mes Italisë dhe Anglisë në finalen e Euro 2020 në Wembley.

Italia ka udhëtuar në Londër dhe po përgatitet për finalen në terrenin e trajnimeve të Tottenhamit, përpara ndeshjes së madhe kundër “Tre Luanëve” në stadiumin kombëtar anglez nesër.

Ish-trajneri i Romës dhe Interit Claudio Ranieri beson se lojtarët e Roberto Mancinit do të përpiqen ta dominojnë Anglinë në Wembley.

“Unë jam shumë i lumtur sepse ka disa lojtarë të rinj dhe, natyrisht, disa lojtarë me përvojë si Georgio Chiellini, Leonardo Bonucci dhe Jorginho. Ekziston një përzierje shumë e mirë, ”tha Ranieri për “BBC Sport”.

“Është shumë e rëndësishme që të kthehemi në një nivel të lartë. Është e rëndësishme për të gjithë njerëzit italianë, jo vetëm për tifozët.”

“Tani kemi mentalitetin e duhur. Po, ne kemi shpirtin italian, qëndrojmë së bashku, vuajmë, luftojmë, por Mancini dëshiron t’i japë ekipit italian lumturinë për të luajtur përpara, për të sulmuar në çdo situatë.”, vazhdoi Ranieri.

“Mentaliteti ynë ka ndryshuar për dy vjet. Kur është e mundur, ne duam të dominojmë kundërshtarin. Kur nuk është e mundur, ne përpiqemi të fitojmë ndeshjen. ”

“Unë mendoj se është një ndeshje shumë, shumë e mirë. Unë thashë para se të fillonte Euro, në finale mund të ishin Italia dhe Anglia. ”

“Mendoj se Anglia do të përpiqet të bëjë shumë presion sepse ka kaq shumë tifozë në Wembley. Por Italia do të përpiqet të luajë me një ose dy prekje për të tejkaluar presionin e tyre, “.

Në fund Ranieri theksoi se e sheh ndeshjen si shumë të barabartë mes dy skuadrave dhe shanset e tyre janë 50-50.

“Është 50-50 sepse 90 përqind e Wembleyt do të bëjë tifo për Anglinë, por Italia është e gatshme të luftojë, të luajë futboll, është e gatshme të përpiqet të fitojë. Shpresoj që arbitri të jetë një arbitër shumë i mirë. Kjo është e rëndësishme tani.:”, tha në fund Ranieri. /Gazeta Sinjali Sporti/