Ministrja e Arsimit, Arbërie Nagavci, ka folur lidhur me kërkesën e shqiptarëve në Mitrovicë të Veriut, që nxënësit të kthehen në shkollat ku kanë qenë më herët.
Në një konferencë për media, Nagavci tha që do t’i shqyrtojnë me kujdes kërkesat e tyre.
“Në lidhje me kërkesat e komunitetit, nxënësve dhe prindërve për zhvillimin e mësimit në shkollat në gjuhën shqipe, natyrisht që i kemi shqyrtuar me kujdes. Në fillim të javës së ardhshme, e kemi mbledhjen me të gjithë drejtorët e drejtorive komunale të arsimit, por përtej kësaj në vazhdimësi të takimeve me kryetarë të komunave edhe me përfaqësues të komunave që të adresojmë kërkesat specifike të tyre”, tha ajo.
Nagavci ka thënë se do të ofrojnë më të mirën për secilin nxënës dhe fëmijë në Kosovë.
