Gjirokastra është tronditur në mesnatë, kur një burrë dyshohet se ka tentuar të djegë me benzinë gruan e tij dhe nga flakët është lënduar edhe vetë.

Mediat në Shqipëri raportojnë se i dyshuari është Panajot Janaqi.

Për shkak të lëndimeve që ka marrë, bashkëshortja e tij është dërguar në reanimacionin e spitalit të Gjirokastrës.

Edhe vetë Janaqi është në spital, në repartin e djegie-kirurgjisë për shkak të plagëve që ka marrë, ndërsa policia ka komunikuar arrestimin e tij.

Kanë qenë banorë të fshatit Këllëz ata që kanë ndërhyrë për të parandaluar këtë konflikt në familje, që ka përfunduar me pasoja për çiftin e bashkëshortëve.

Njoftimi i policise:

Arrestohet në flagrancë një shtetas për veprën penale “Plagosje e rëndë me dashje”.

Specialistët e Hetimit të Krimeve në Komisariatin e Policisë Gjirikastër arrestuan në flagrancë shtetasin P. J., 72 vjeç, banues në fshatin Këllëz, Gjirokastër, pasi ky shtetas për motive të dobëta ka djegur me lëndë djegëse(benzinë) bashkëshorten e tij, e cila ndodhet në Spitalin Rajonal Gjirokastër, jashtë rrezikut për jetën.

Materialet i kaluan Prokurorisë Pranë Gjykatës së Shkallës së Parë Gjitrokastër për Veprime të mëtejshme./Gazeta Sinjali/