image Burri në Skenderaj s’e lë rehat ish bashkëshorten, hap llogari me fotografitë e saj në TikTok

Siguri

Burri në Skenderaj s’e lë rehat ish bashkëshorten, hap llogari me fotografitë e saj në TikTok

news image

Ka shumë raste kur gratë kosovare nuk ‘shpëtojnë’ nga problemet edhe pse zgjedhin që të shkurorëzohen e të ndajnë rrugët me bashkëshortët e tyre, të cilët u shkaktojnë telashe. Edhe pas ndarjes, shumë nga ta nuk i lënë rehat ish-partneret e tyre, raporton Gazeta Sinjali.

Për një rast të tillë që ka ndodhur së fundi në fshatin Klinë e Poshtme e Skenderajt, Prokuroria ka nisur hetimet.

Burimet e Gazetës Sinjali kanë bërë me dije se një 19-vjeçare është në hall nga ish bashkëshorti i saj, i cili ndonëse janë ndarë nuk po e lë rehat duke e ngacmuar.

Ajo është detyruar që rastin ta denoncojë në Polici, ku ka deklaruar se i dyshuari ka hapur një llogari false në emrin e saj në rrjetin social TikTok, ku edhe po postonte fotografi të saj.

I dyshuari është ftuar që të paraqitet në stacion, por i njëjti nuk është lajmëruar ende.

Me urdhër të prokurorit, rasti është iniciuar ‘Ngacmim’, ndërsa veprimet tjera ligjore do merren posa të kapet i dyshuari.

/GazetaSinjali/