Janusz Bugajski, bashkëpunëtor i lartë në Fondacionin Jamestoën në Uashington, D.C, i ka reaguar të dielën përfaqësuesit të Bashkimit Evropian për Politikë të Jashtme dhe Siguri, Josep Borell, i cili tha se “nuk duhet vazhdimisht të i menaxhojnë krizat”, por ka kërkuar normalizim të marrëdhënieve Kosovë-Serbi.
Mirëpo Bugajski ia ka brë të qartë Borrellit se kjo çështje nuk zgjidhet përderisa vazhdon problemi i mosnjohjes së Kosovës nga Serbia.
Po ashtu përmendet edhe rreziku që Serbisë i kanoset nga Kremlini nëse vazhdon të mos zgjidhet problemi i çështjes së Kosovës.
“Ju do të vazhdoni të rrotulloheni në qarqe nëse nuk e zgjidhni problemin themelor – mosnjohjen e Kosovës nga Serbia si shtet i pavarur. Beogradi është gjithashtu një portë për ndikimin shkatërrues të Kremlinit. Mosnjohja dhe depërtimi i Moskës siguron paqëndrueshmëri rajonale”, ka shkruar ai në Twitter.
Për të hënën, Josep Borell ka ftuar në takim kryeministrin e Kosovës, Albin Kurtin dhe presidentin e Serbisë, Aleksandër Vuçiq.
Borrell takimin e ka cilësuar urgjent dhe vjen në prag të hyrjes në fuqi të fazës së dytë të vendimit të shkallëzuar të Qeverisë për targat e që është gjobitja.
Lista Serbe ka paralajmëruar se “gjoba e parë ndaj serbëve për targat do të pasojë me rezistencë”.
Për këtë SHBA-të dhe Bashkimi Evropian kanë parë potencial për përshkallëzim të situatës – forcat e KFOR’it dhe EULEX’it në Veri janë shtuar.
Kjo ka bërë që perëndimi të kërkojë marrëveshje mes Kosovës dhe Serbisë për çështjen e targave.
You will continue going round in circles unless you resolve the fundamental problem – Serbia's non-recognition of Kosova as an independent state. Belgrade is also a gateway for destructive Kremlin influence. Non-recognition and Moscow's penetration ensures regional instability.
— Janusz Bugajski (@JBugajskiUSA) November 20, 2022
