Në vitin 2019 në Bashkimin Evropian janë regjistruar 31.030 azilkërkues nga Ballkani Perëndimor. Vetëm nga Kosova janë regjistruar 2.355 azilkërkues.

Kështu ka bërë të ditur Instituti EPIK në publikimin për trendet e fundit në lidhje me numrin e kërkesave të azilit në BE.

“Sa i përket Kosovës, në vitin 2019 në BE janë regjistruar gjithsej 2,355 azilkërkuesit. Ky është niveli më i ultë historik i azilkërkuesve nga Kosova. Tre vende të BE-së të cilat kanë pranuar numrin më të madh të kërkesave për azil nga Kosova janë: Franca (1,510), Gjermania (415) dhe Suedia (120)”.

Sipas institutit EPIK, ky është niveli më i ulët historik i azilkërkuesve nga Kosova.

“Ky është niveli i ri më i ulët i azilkërkuesve nga Ballkani qysh nga kriza e migrimit e vitit 2015.Tre vende të BE-së të cilat kanë pranuar numrin më të madh të kërkesave për azil nga Ballkani Perëndimor janë: Franca (8,010), Mbretëria e Bashkuar (3,940) dhe Greqia (2,795)”.

Edhe pse, sipas këtij publikimi, përveç Shqipërisë, të gjitha vendet e Ballkanit kanë regjistruar rënie të numrit të kërkesave të azilit brenda BE-së.

“Të gjitha vendet e Ballkanit Perëndimor kanë regjistruar rënie të numrit të kërkesave të azilit brenda BE-së, përveç Shqipërisë. Në vitin 2019 në BE janë regjistruar gjithsej 20,500 azilkërkuesit nga Shqipëria. Kjo është sa numri i azilkërkuesve nga i gjithë rajonit – shumëzuar me dy. Për krahasim, vendet sikur Palestina dhe Sudani rangohen më mirë se Shqipëria, ndërsa Shqipëria rangohet margjinalisht më mirë se Irani dhe Nigeria”, thuhet në publikimin e institutit.

Shqipëria është vendi me numrin më të madh të azilkërkuesve prej 196,405, ndërsa Mali i Zi me numrin më të vogël prej 10,665.

Poashtu potencohet se tre vende të BE-së të cilat kanë pranuar numrin më të madh të kërkesave për azil nga Ballkani Perëndimor janë: Gjermania (85,515), Franca (49,895) dhe Mbretëria e Bashkuar (17,815).

Në kuadër të publikimit “Azilkërkuesit në BE nga Ballkani Perëndimor 2009-2019” janë përdorur të dhënat e EUROSTAT-it./GazetaSinjali/