Presidenti i ShBA-së, Joe Biden, ka thënë se është i “zemëruar”, pasi një 18-vjeçar që vrau dy persona në një trazirë racore vitin e kaluar në Wisconsin u lirua nga akuzat.

Presidenti shprehu zhgënjim për këtë vendim përmes një deklarate me shkrim para se më parë t’u thoshte gazetarëve se e përkrah vendimin e trupit gjykues, shkruan BBC, përcjell Gazeta Sinjali.

“Përderisa vendimi në Kenosha do të lërë shumë amerikanë duke u ndier të zemëruar e të shqetësuar, përfshirë mua, ne duhet të pranojmë se juria ka folur”, thuhet në deklaratën e presidentit amerikan.

18-vjeçari, Kyle Rittenhouse, u emocionua kur e dëgjoi vendimin për lirimin nga akuzat për të shtënat e 25 gushtit të vitit 2020. Për vendimin e lirimit të 18-vjeçarit nga akuzat pati protesta të shumta.

Rittenhouse u lirua nga dy akuza për vrasje të qëllimshme, një akuzë për tentim-vrasje dhe dy akuza për rrezikim të sigurisë në mënyrë të pamatur.

Rittenhouse ka pranuar se i ka qëlluar për vdekje 36-vjeçarin Joseph Rosenbaum dhe 26-vjeçarin Anthony Huber si dhe e ka plagosur 28-vjeçarin Gaige Grosskreutz, por ka pretenduar se këto veprime i ka bërë në vetëmbrojtje.

I riu dhe njerëzit që ai qëlloi ishin të gjithë të bardhë, por çështja e racës varej mbi çështjen sepse të shtënat ndodhën gjatë trazirave civile për shkak të brutalitetit të perceptuar të policisë. /GazetaSinjali/