Karim Benzema e ka ‘thumbuar’ Kylian Mbappen pasi ky i fundit refuzoi Real Madridin për të vazhduar me PSG-në.
Pavarësisht se 23-vjeçari kishte një marrëveshje verbale me Real Madridin, ai vendosi që ta refuzojë klubin madrilen dhe të rinovojë me klubin parisien edhe për tre vite të tjera.
Sulmuesi i Real Madrid, Karim Benzema e ka quajtur një “gjë të vogël” kur është pyetur për Mbappen, duke theksuar se fokusi i tyre është finalja e Ligës së Kampionëve.
“Mbappé? Ne do të luajmë një finale të Champions League të shtunën. Nuk është koha të flasim për këtë gjë të vogël. Jam i fokusuar në finale“, ka deklaruar francezi.
