Alessandro Bastoni ka folur mbi të ardhmen e tij mbrëmë pas ndeshjes së Italisë ndaj Hungarisë.
Italia mposhti Hungarinë 2-1 mbrëmë me golat e Nicolò Barella dhe Lorenzo Pellegrini, megjithëse Gianluca Mancini aksidentalisht e futi topin në rrjetën e tij në një krosim të Attila Fiola.
“Çdo ndeshje është e vështirë në nivel ndërkombëtar, Hungaria është një ekip vërtet i mirë, por ne mbetëm të koncentruar”, tha Bastoni për RAI Sport.
“Është e natyrshme të vuash nën presion ndonjëherë në këtë nivel. Ne patëm shanset për të shënuar një gol të tretë apo edhe të katërt, kështu që ishte një paraqitje e fortë.”
Ky rezultat do të thotë se Italia është në krye të grupit të Ligës së Kombeve me katër pikë, e ndjekur nga Hungaria me tre, Gjermania dy dhe Anglia një pikë.
Kjo sepse penalltia e vonuar e Harry Kane i lejoi Anglisë të barazonte 1-1 në Mynih.
Në mënyrë të pashmangshme, biseda u kthye edhe te spekulimet e vazhdueshme të transferimeve që kanë Tottenham Hotspur dhe Manchester United në një luftë ofertimi për Bastonin, i cili mund të jetë në shitje nëse çmimi arrin 70 milionë euro.
“Kam dy vite kontratë me Interin, kështu që jam i qetë. Klubi nuk më ka thënë asgjë, thjesht po pres të shkoj me pushime pas kësaj dhe më pas të filloj para-sezonin me Interin”, deklaroi Bastoni.
