Këshilli i qytetit jugor të Ukrainës, Mariupol, ka postuar video të një materniteti (spitali) të shkatërruar në qytet dhe ka akuzuar forcat ruse se kanë hedhur disa bomba mbi të.
“Shkatërrimi është i madh. Ndërtesa e objektit mjekësor ku u trajtuan fëmijët kohët e fundit është shkatërruar plotësisht. Informacioni për viktimat është duke u sqaruar“, tha këshilli, shkruan CNN.
“Një maternitet në qendër të qytetit, një repart për fëmijë dhe një departament i mjekësisë së brendshme… të gjitha këto u shkatërruan gjatë sulmit ajror rus në Mariupol“, tha Pavlo Kyrylenko, kreu i administratës rajonale të Donetsk.
