Atdhe Xharavina dhe Andi Artani ishin dy nga shokët më të mirë në Përputhen që i dilnin krah njëri-tjetrit në çdo situatë.

Pas daljes nga programi miqtë prishën papritur raportet dhe kjo i habiti të gjithë.

Në çdo dalje televizive ata u pyetën me ngulm për njëri-tjetrin dhe arsyen e prishjes së raporteve por nuk u përgjigjën deri mbrëmë që Atdheu vendosi të sqarojë në detaje se si erdhi deri të shkëputja me “vëllaun” siç e quante dikur.

Ish-konkurrenti nga Gjakova zbuloi se ai ka ribashkuar disa herë Andin dhe Jasminën në krizat e lidhjes së tyre por pasi u ndanë përfundimisht atij i ishte kërkuar nga Andi të mos publikonte me Jasminën dhe kështu Atdheu kishte ftohur raportet me ish-konkurrentet duke respektuar kërkesën e shokut.

Ky i fundit sipas Atdheut nuk e bëri një gjë të tillë kur ky u nda me Sarën.

“Vetëm 1 ditë pasi ndarjen time me Sarën e kuptoi e gjithë Shqipëria, Andi hedh foto me të ne arsyetimin se nuk e ka ditur që jemi ndarë”, tha Atdheu duke treguar se kjo është arsyeja që i ka ngelur hatri nga Andi dhe nuk e beson në asnjë mënyrë që mes tyre ka ndodhur diçka më shumë.

Tutje Atdheu tha se kjo nuk është e vetmja pasi kanë ndodhur edhe disa gjëra më parë, por kjo ishte “kulmi” që dërgoi në prishjen e tyre. /Gazeta Sinjali/