Ansu Fati ka hyrë përsëri në një operacion për të shëruar gjurin e majtë, njofton klubi i Barcelonës përcjell Sinjali Sport.

Klubi konfirmoi të mërkurën pas mesnate se 18-vjeçari kishte udhëtuar në Portugali për t’u kontrolluar nga mjeku, dhe më vonë raportoi se ai ishte nënshtruar një operacioni.

“Pasi udhëtoi për në Porto, Ansu Fati i është nënshtruar një astroskopie kontrolli në gjurin e majtë nga Dr. Jose Carlos Noronha, nën mbikëqyrjen e Shërbimeve Mjekësore të Klubit. Lojtari do të vazhdojë me procesin e tij të rikuperimit”, thuhet në njoftimin e klubit katalunas.

❗ LATEST NEWS
Ansu Fati has undergone an arthroscopy in his left knee

???? All the details: https://t.co/p50J9sO3eB pic.twitter.com/CzsDyLxMfr

— FC Barcelona (@FCBarcelona) May 6, 2021

Ansu Fati ka qenë jashtë fushave që kur u dëmtua kundër Real Betisit në nëntor dhe rikuperimi i tij nuk ka shkuar sipas planeve.

Ai vetë është prekur negativisht nga ndërlikimet në rikthimin e tij dhe dëshpërueshëm po pret për të luajtur përsëri futboll.

Parashikimet e hershme ishin që lojtari do të humbte veprimin katër muaj, por ai tani ka qenë jashtë fushave për gjashtë muaj tashmë dhe nuk do të kthehet deri në fillimin e sezonit 2021/22.

18-vjeçari ka luajtur 43 ndeshje me ekipin e parë dhe ka shënuar 13 gola, si dhe ka siguruar tre asistime. /Gazeta Sinjali Sporti/