Mbrëmjen e sotme, disa të rinj në Prishtinë kanë rënë në prangat e Policisë së Kosovës, shkruan Gazeta Sinjali.
Burimet e Sinjalit njoftojnë se të dyshuarit janë arrestuar te vendi i njohur “te xhambazët”, në lagjen Bregu i Diellit në Prishtinë.
Zyrtarët policorë pasi i kanë ndaluar të dyshuarit, i kanë kontrolluar për të parë nëse posedojnë ndonjë gjë të dyshimtë.
Sipas të njëjtave burime, gjatë kontrollit, njërit prej tyre i është gjetur një thikë, e cila më pas i është sekuestruar.
Gazeta Sinjali ka kontaktuar edhe me Policinë e Kosovës për të marrë informata shtesë, por deri në publikimin e këtij lajmi, të njëjtit nuk kanë kthyer përgjigje.
Sinjali do t’iu mbajë të informuar…
